myanmarenglish

Activities

ဟိုတယ်နှင့်ခရီးသွားလာရေးလုပ်ငန်းဝန်ကြီးဌာန၊ ပြည်ထောင်စုဝန်ကြီး ဦးဌေးအောင် “အာဆီယံခရီးသွားလုပ်ငန်းဖိုရမ်-၂၀၁၅ ကျင်းပရေးဆိုင်ရာ စာနယ်ဇင်းရှင်းလင်းပွဲအခမ်းအနား”နှင့် “Bangkok Airways လေကြောင်းလိုင်းပြေးဆွဲရေးနှင့်ခရီးသွားလုပ်ငန်းမြှင့်တင်ရေးဆိုင်ရာ မိတ်ဆက်

(နေပြည်တော်၊ စက်တင်ဘာ ၁၆)
    နေပြည်တော်တွင် လာမည့် ၂၀၁၅ ခုနှစ်၊ ဇန်န၀ါရီလ (၂၂) ရက်နေ့မှ (၂၉) ရက်နေ့အထိ အိမ်ရှင် နိုင်ငံအဖြစ် ပထမဆုံးအကြိမ်လက်ခံကျင်းပမည့် (၃၄) ကြိမ်မြောက် အာဆီယံခရီးသွားလုပ်ငန်းဖိုရမ်-၂၀၁၅ ကျင်းပရေးနှင့်စပ်လျဉ်းသည့် စာနယ်ဇင်းရှင်းလင်းပွဲအခမ်းအနားကို  (၁၆.၉.၂၀၁၄) ရက်နေ့ နံနက် ပိုင်းတွင် နေပြည်တော်၊ ဒက္ခိဏသီရိဟိုတယ်ဇုန်ရှိ Royal ACE Hotel ၌ ကျင်းပပြုလုပ်ရာ ဟိုတယ် နှင့်ခရီးသွားလာရေးလုပ်ငန်းဝန်ကြီးဌာန၊ ပြည်ထောင်စုဝန်ကြီး ဦးဌေးအောင် တက်ရောက်၍ အဖွင့်အမှာ စကားပြောကြားပါသည်။
    ပြည်ထောင်စုဝန်ကြီးမှပြောကြားရာတွင် မြန်မာနိုင်ငံအနေဖြင့် ၁၉၉၇ ခုနှစ်တွင် အာဆီယံအဖွဲ့သို့ ၀င်ရောက်ပြီးနောက် အာဆီယံခရီးသွားလုပ်ငန်ဖိုရမ်ကို အိမ်ရှင်အဖြစ်လက်ခံကျင်းပရန် ၂၀၀၆ ခုနှစ် ကတည်းက အလှည့်ကျခဲ့သော်လည်း အခြေအနေအရပ်ရပ်ကြောင့် လက်ခံကျင်းပနိုင်ခြင်းမရှိခဲ့ပဲ ယခု လာမည့် ၂၀၁၅ ခုနှစ်မှသာလျှင် (၃၄) ကြိမ်မြောက် အာဆီယံခရီးသွားလုပ်ငန်းဖိုရမ်ကို အိမ်ရှင်နိုင်ငံ အဖြစ် လက်ခံကျင်းပရန် ပြန်လည်အလှည့်ကျရောက်ခဲ့ပါကြောင်း၊ ၄င်းအခမ်းအနားကို နေပြည်တော်ရှိ မြန်မာ အပြည်ပြည်ဆိုင်ရာကွန်ဗင်းရှင်းဗဟိုဌာန (၁) နှင့် (၂) တို့တွင် “ငြိမ်းချမ်းဝေစည်တွဲလျက်ညီ အာဆီယံ အသိုက်အ၀န်းဆီ ခရီးသွားလုပ်ငန်းဖြင့်အရောက်လှမ်းချီ” ဟူသော ဦးတည်ချက်ဖြင့် စည်ကားသိုက်မြိုက် စွာ ကျင်းပသွားမည်ဖြစ်ပါကြောင်း၊ နိုင်ငံပေါင်း (၅၁) နိုင်ငံမှ ခရီးသွားလုပ်ငန်းဝန်ကြီးများနှင့် အဆင်မြင့် အရာရှိကြီးများ၊ အာဆီယံပြပွဲပြသသူများ၊ နိုင်ငံတကာမှခရီးစဉ်ဝယ်ယူသူများ၊ နိုင်ငံတကာနှင့်ပြည်တွင်း မီဒီယာအဖွဲ့များ၊ ခရီးသွားလုပ်ငန်းကုန်သွယ်မှုဆိုင်ရာဧည့်သည်တော်များအပါအ၀င် တက်ရောက်မည့်   ဦးရေ (၁၅၀၀) ကျော်ရှိပါကြောင်း ပြောကြားပါသည်။
    ပြည်ထောင်စုဝန်ကြီးမှ ဆက်လက်ပြောကြားရာတွင် ယခုကျင်းပမည့် ခရီးသွားလုပ်ငန်းဖိုရမ်သည် မြန်မာနိုင်ငံ၏ ခရီးသွားလုပ်ငန်းကဏ္ဍနှင့်ပတ်သက်၍ မြှင့်တင်ဖော်ပြနိုင်ရန် အထူးအခွင့်အရေး တစ်ရပ်ဖြစ် ပါကြောင်း၊ လက်ရှိအခြေအနေတွင်လည်း မြန်မာနိုင်ငံ၏  ခရီးသွားလုပ်ငန်းသည် အရှိန်အဟုန်ဖြင့် ဖွံ့ဖြိုး တိုးတက်လျက်ရှိပြီး ၂၀၁၄ ခုနှစ်၊ သြဂုတ်လကုန်အထိ မြန်မာနိုင်ငံသို့ နိုင်ငံတကာ ခရီးသည်ရောက်ရှိမှုမှာ (၁.၈) သန်းကျော်ပြီဖြစ်ရာ နှစ်ကုန်ပိုင်းတွင် (၃) သန်းကျော်အထိ ၀င်ရောက်ရန် မျှော်မှန်းထားပါကြောင်း၊ မိမိတို့ဝန်ကြီးဌာနအနေဖြင့်လည်း ခရီးသွားလုပ်ငန်းဖွံ့ဖြိုးတိုးတက်မှုနှင့်အတူ ဆိုးကျိုးသက်ရောက်မှု များ လျော့ နည်းနိုင်စေရေးအတွက် ရည်ရွယ်ပြီး “တာဝန်သိခရီးသွားလုပ်ငန်းမူဝါဒ” နှင့် “မြန်မာနိုင်ငံခရီးသွား လုပ်ငန်းတွင် လူမှုအဖွဲ့အစည်းများ ပါဝင်ဆောင်ရွက်ရေးမူဝါဒ” များကို ချမှတ်ခဲ့ပြီးဖြစ်ပါကြောင်း၊ ထို့အပြင် နိုင်ငံခြား သားဧည့်သည်များ  မြန်မာနိုင်ငံသို့ လာရောက်လည်ပတ်စဉ်အတွင်း ဒေသခံလူအဖွဲ့အစည်းများ နှင့် လိုက်လျောညီထွေစွာ ပြုမှုနေထိုင်လည်ပတ်နိုင်ရေးအတွက် (Dos & Don’ts for Tourists) စာအုပ် များကိုလည်း ရိုက်နှိပ်ထုတ်ဝေဖြန့်ချီထားပြီဖြစ်ပါကြောင်း၊ ခရီးသွားလုပ်ငန်းရေရှည်တည်တံ့ဖွံ့ဖြိုး တိုးတက် ရေးအတွက် မဟာဗျူဟာအစီအစဉ် (၆) ခုပါဝင်သည့် “မြန်မာနိုင်ငံခရီးသွားလုပ်ငန်းပင်မစီမံကိန်း ၂၀၁၃-၂၀၂၀”ကို ချမှတ်နိုင်ခဲ့ပြီး ခရီးသွားလုပ်ငန်းဖွံ့ဖြိုးရေးဆောင်ရွက်နေကြသည့် နိုင်ငံတကာမှ မိတ်ဖက်အဖွဲ့ အစည်းများနှင့် ပူးပေါင်း၍ အကောင်အထည်ဖော်ဆောင်ရွက်လျက်ရှိပါ ကြောင်း ပြောကြားပါသည်။
    ဆက်လက်၍ အာဆီယံခရီးသွားလုပ်ငန်းဖိုရမ်- ၂၀၁၅ ကျင်းပရေး စီမံခန့်ခွဲမှု တာဝန်ခံ Mr.Jason Ng (Executive Director, MP Singapore) မှ ခရီးသွားလုပ်ငန်းဖိုရမ်ကျင်းပရေးအတွက် ကြိုတင်ပြင်ဆင် ထားမှုများကို အသေးစိတ်ရှင်းလင်းတင်ပြပါသည်။ ၄င်းနောက် အာဆီယံခရီးသွားလုပ်ငန်းဖိုရမ်-၂၀၁၅ အောင်မြင်စွာ ကျင်းပနိုင်ရေးအတွက် အဓိကပံ့ပိုးကူညီပေးကြသော ကုမ္ပဏီကြီးများဖြစ်သည့် CB Bank, KBZ Group, Htoo Group, Max Hotels Group, Golden Myanmar Air Lines နှင့် PICO Art International တို့၏ တာဝန်ရှိပုဂ္ဂိုလ်များမှ ပံ့ပိုးကူညီမှုဆိုင်ရာ သဘောတူညီမှုစာချွန်လွှာကို ပြည်ထောင် စုဝန်ကြီး၏ ရှေ့မှောက်တွင် လက်မှတ်ရေးထိုးကြပြီး စုပေါင်းအမှတ်တရ ဓာတ်ပုံရိုက်ကူးကြပါသည်။ ထို့ နောက် တက်ရောက်လာကြသည့် သတင်းမီဒီယာအဖွဲ့များမှ သိရှိလိုသည်များကို မေးမြန်းရာ ဟိုတယ်နှင့် ခရီးသွားညွှန်ကြားမှုဦးစီးဌာန၊ ညွှန်ကြားရေးမှူးချုပ် ဦးအောင်ဇော်ဝင်း၊ မြန်မာနိုင်ငံခရီးသွားလုပ်ငန်းအဖွဲ့ ချုပ် ဒုဥက္ကဌ ဦးခင်အောင်ထွန်း၊ ဒေါက်တာတင်အောင်လင်း (Myanmar Venture Group, Chief Executive) နှင့် Mr.Jason Ng (Executive Director, MP Singapore) တို့မှ အသီးသီးပြန်လည်ရှင်း လင်း ဖြေကြားခဲ့ပါသည်။
မွန်းလွဲပိုင်းတွင် ပြည်ထောင်စုဝန်ကြီး ဦးဌေးအောင်သည် နေပြည်တော်၊ ဒက္ခိဏသီရိဟိုတယ်ဇုန်ရှိ Hotel Max ၌ ကျင်းပပြုလုပ်သည့် ထိုင်းနိုင်ငံအခြေစိုက် Bangkok Airways မှ Thailand Convention & Exhibition Bureau၊ Bangkok Hospital တို့နှင့် ပူးပေါင်း၍ “လေကြောင်းပျံသန်းမှု၊ ခရီးသွားလုပ်ငန်းဆိုင် ရာ အစည်းအဝေးများ၊ပြပွဲများနှင့် ကျန်းမာရေးဆိုင်ရာခရီးသွားလုပ်ငန်းများအဆင့်မြှင့်တင်ရေး” တို့နှင့် ပတ်သက်သည့် မိတ်ဆက်ရှင်းလင်းပွဲ အခမ်းအနားသို့ တက်ရောက်၍ အဖွင့်အမှာစကား ပြောကြားခဲ့ပါ သည်။
    ဆက်လက်၍ ထိုင်းနိုင်ငံသံအမတ်ကြီး H.E Pisanu Suvanajata မှ နှုတ်ခွန်းဆက်အမှာစကား ပြောကြားပြီး Bangkok Airways ၊Thailand Convension & Exhibition Bureau နှင့် Bangkok Hospital တို့၏ တာဝန်ရှိသူများမှ မိတ်ဆက်အခမ်းအနားကျင်းပရခြင်းနှင့်စပ်လျဉ်း၍ ရှင်းလင်းဆွေးနွေး ပြောကြားကာ စုပေါင်းအမှတ်တရဓာတ်ပုံရိုက်ကူးကြပြီး တက်ရောက်လာကြသူများ၏ သိရှိလိုသည့် အချက်များနှင့် ပတ်သက်၍ မေးမြန်းချက်များအပေါ် ကဏ္ဍအလိုက်တာဝန်ရှိသူများမှ ရှင်းလင်းပြောကြား ခဲ့ကာ အခမ်းအနားကို ရုတ်သိမ်းခဲ့ကြောင်း သတင်းရရှိသည်။